使徒行者2大结局!最后伏笔暗示第三部大boss?!

-回复 -浏览
楼主 2020-04-08 02:13:19
举报 只看此人 收藏本贴 楼主

最近唔少街坊都追紧《使徒行者2》

琴晚,腾讯已经更新咗最后嘅26至30集!

终于等到佢大结局啦!

一大早返到公司就听到同事吐槽

“捱夜追完,大概係睇咗假嘅电视剧”


小编决定以精简嘅语言

同大家吐槽一下大结局嘅剧情

咁样,大家就可以悭翻时间唔洗睇了~


30集一开波,就围绕5亿美金展开剧情

一向精明计仔多嘅欢喜哥

竟然就咁畀魏德信呃走咗5亿


咁都算啦

魏德信成班人去货柜场搞大龙凤呃翻嚟嘅5亿

转个手就畀天堂同正妹两个人运走...

仲要玩烧银纸...


又为咗搵翻5亿

速龙再次做反骨仔

背叛魏德信帮king哥绑架Scarlett


呢个时候,就出现咗全集最型嘅场面

魏德信着住叫好似雨衣嘅外套登场

14秒开咗1枪扫低晒所有人!

哇,有D型!


随即转场返屋企

展开一场你侬我侬嘅甜蜜戏

一直欲拒还迎嘅Scarlett终于开口要嫁人啦~


呢个时候,魏德信讲咗一句

TVB演员领饭盒经典台词:

“相信我,我一定会回来”

(潜台词:加油,我走先啦~)


一出多角复仇大戏上演啦

魏德信搵天堂正妹落攞翻5亿美金

两位卧底:

唔畀!我要帮乐少报仇

覃欢喜登场:

唔得!我都要帮老婆报仇!你地排队

和平主义卓sir出场:

你地全部停手!跟我翻差馆!


结局:本来魏德信同覃欢喜

可以展开一场惊心动魄嘅枪战嘅

点知畀卓sir搅和

魏德信身中多枪收咗皮


第二部作为前传

编剧都好有良心咁比第一季嘅

爆seed哥kobe钉姐嚟个证件相特写

完全勾起咗小编要重温第一季嘅欲望!


成出戏

警察扮卧底、古惑仔扮警察

黑社会大佬为爷爷继承家业

又为女远走高飞

都无一个有D职业道德嘅

係得猜fing,由始至终都努力扮演紧自己嘅角色


而之前

实牙实齿话报完仇去自首嘅覃欢喜

拍拍椤柚就走咗佬


而且,呢家TVB剧情越来越向美剧埋堆

最后,当大家都以为

该攞饭盒嘅攞饭盒、卧底做翻警察

虽然无情人终成眷属

(无一pair情侣係成功喺埋一起嘅)

但係都算happy ending嘅时候


最后竟然仲出现咗美剧大结局先有嘅情节:

下一季大boss登场!

魏德信嘅细佬or阿哥登场!

虽然把枪挡住咗样

但一眼就睇得出係马国明啦!


最后嘅最后

当所有剧透都话徐天堂亲手bang咗乐少嘅时候

镜头一转

乐少同覃欢喜同框!仲要喺泰国!


大家唔好再冤枉天堂哥啦!佢无杀到男神!

不过,人做卧底佢做卧底

你睇下cherry,比阿Ben喺肚开咗一枪就死咗

乐少比天堂对住心口开枪都大难不死

果然主角光环好重要!


所以呢个结局就揭示住

第三部嘅boss係马明

然后原班人马登场?


魏德信嘅牺牲

好似令观众一眼睇到咗第三部嘅结局

徐天堂,郑淑梅,乐少锋,卓sir,欢喜哥

再加个马明,大家一齐第三部见啦!

我要推荐
转发到